Во текот на изминатото деноноќие, на ниво на целата држава 55 лица не ја почитувале забраната за движење, при што приведени се 42 лица, а за останатите се земени податоци и ќе следуваат соодветни мерки, информираат од МВР.
Според статистичките податоци на министерството, во изминатите 24 часа на 159 лица им се издадени решенија за изолација, а 48 лица потпишале изјави за самоизолација.
Од страна на полициски службеници извршени биле контроли кај лица во изолација и самоизолација, при што не биле евидентирани прекршувања на мерките.
